حلقة خفيفة نظيفة نرجعو بيها للتسجيل هدرزة خفيفة بين فهد ومؤنس بعد الفطور وكان فيها اكثر من موضوع بس شبه كلها كانت تحت مضلة مواضيع دينية ، نتمنى ان تستمتعو بالحلقة

الجزء التاني من هدرزتنا معا فؤاد القريتلي , هدرزنا علي علاقة فؤاد بالفن و الاغاني كيف كانت و تجربته في برنامج ذا فويس , حكالنا قصة غريبة صارت معاه و شوية هدرزة علي الفن و المحتوى في ليبيا ان شاء الله تسمتعو بالاستماع و المشاهدة

00:00 انترو 02:38 باسم يوسف + الشخصيات العامة و فلسطين 19:20 دربوكة سياسية + السوشل ميديا 29:08 فلسطين + مستوى الرقاصة 37:10 اغاثات درنة 46:00 محاسبة الحكومة 55:52 مش دعاية 1:03:23 الشاب الليبي و الزواج( تكلفة الزواج + تأثير العلاقات على الزواج + الزواج المبكر + الطلاق) 1:45:16 مش دعاية تانية + كيف تكون فايق باللي صاير 2:03:11 النهاية الجزء الاول من هدرزتنا معا فؤاد القريتلي , هدرزنا علي فلسطين و سياسة و زواج , الحلقة التانية حتكون قصص من فؤاد و تجربته معا الاغاني و الموسيقى ان شاء الله تسمتعو بالاستماع و المشاهدة ْاَلْ بُودكَاست متاح على جميع منصات البودكاست

الحلقة حداش(اَلْ بُودْكَاستْ )

مع ضيفنا التقني وصانع المحتوى عماد الحسومي،

هدرزنا في البداية معا العمدة على بدايته في اليوتيوب وكيف اطور الموضوع معاه، وشن الفرق بين اليساري واليميني، وتكلمنا على الcovid 19

واللقاح بتاعه وشن الموضوع من وراه، وفتحنا موضوع الجزء الثاني من سلسلة world danger الي قاعد يجهز فيها عماد، وتحاورنا على مشكلة الالحاد والتنصير والمشاكل الدينية الي صايره، وتكلمنا على الادوات الي ممكن ادافع بيها ضد افكار الغرب وشن الياتهم هما في الهجوم، وكيف ممكن نحافظو على عقول اطفالنا من المحتوى الموجود حالياً، وهدرزنا على الالبوم الي كان يبي يديره عماد وشن الشيء الي منعه، وتكلمنا على موضوع مقارنة الدنيا بالاخرة والجنة بالحياة، وتعمقنا في موضوع تصديق المؤمرات من عدمه، وعلاش انه معظم العالم حالياً يدعم في الشذوذ الجنسي، وتكلمنا على فتنة المسيح الدجال و رجوع سيدنا عيسى، وناقشنا موضوع تحريم الموسيقى، بعدين جت جزئية التقنية في الحلقة، وتكلمنا على مشروع عماد للمعمل شبكات عن طريق ال VR، وطرقنا للموضوع المقارنة بين احسن VR، وشن الفرق بين VR و AR، وتكلمنا على AI والتطور الي صااير فيه.

عاشر حلقات (اَلْ بُودْكَاستْ )

الحلقة هادي كانت عبارة عن مراجعة للحلقات الي فاتو، وشن هما الحاجات الي استفدناها من الحلقات، وتكلمنا على اراء الناس على الحلقات،

و وضحنا آلية الي ماشيين بيها في البودكاست وشن الحاجات الجديده الي حنبدو انديروها ان شاء الله،

وهدرزنا على مواضيع الحلقات الجايه الي نبو نستضيفو فيها ضيوف متخصصين فيها، ولو في اي حد من المستمعين عنده راي على موضوع للحلقة او ضيف يبينا نستضيفو ممكن يفيدنا ويقوللنا، ومنورين.

لحلقه هيا تعريفيه للطريقة الي بنزلوها بها و وين منزلو الحلقات

وقلنا ليالي رمضان احسن وقت نبدو فيه خل تهضمو الماكله مليح معانا مع المواضيع المختلفه الي حنهدرزو فيها معا ضيوفنا

وكل واحد وجوه مرات تمشي معاه الطريقه مرات لا

علي مهم حنديرو جونا وجهدنا ان نخلوكم مستمتعين بالاستماع

ثامن حلقات (اَلْ بُودْكَاستْ )

بعد ماوقفنا شويه بعد الرمضان نرجعو معا ضيفنا المهندس امجد خُرواط احد مسؤولي مؤسسة رؤية لعلوم الفضاء، الحلقة قوية هلبا وخاصة للناس المهتمة بي شن صاير برا الارض في الفضاء والنجوم والكواكب والجو هذا، في بداية الحلقة تكلمنا على شن هوا الثقب الاسود وكيف يَتكون وشن هما صفاته، وشن هيا النجوم وكيف تكون رحلة تكونها، هدرزنا على علم الرياضيات وقوته وعلاقته بالعلوم الاخرى، وشن هوا الفرق بين النظرية والفرضية والقانون وهلبا حاجات اخرى. طبعا للاسف جزئية الحلقة الي هبطنا فيها على الارض فقدناها.

رابع حلقات (اَلْ بُودْكَاستْ )

مع ضيفنا الاعلامي والقانوني معاذ الشاملي

الحلقه كانت دسمه بالمواضيع الي فيها معرفه شامله للناس الي تحب تستفيد،  تكلمنا عن مجال الاعلام في ليبيا و خبرة معاذ في هذا المجال، و الموضوع الاساسي كان اهمية الدين في ضبظ النفس واهمية علاقتك مع الله سبحانه وتعالى, وشن هيا افضل الكتب من وجهة نظرة معاذ الي ممكن تساعدك في الدين، وتكلمنا على كيف ان قوة قراءة الكتب تغيرك للافضل، وشن قصة حبه مع الكتابة وانواع الكتابة،  وختمنا الحلقه بأكثر القضايا الموجوده حالياً في المحاكم.

ثالث حلقات (اَلْ بُودْكَاستْ )

مع ضيفنا المميز مستر تُومِي الحلقه تناولت مواضيع ملموسه زي ادمان الدخان وتأثيره وهدرزنا علي تأثير البيئة المحيطه بيك وكيف ممكن تغيرك

وتكلمنا علي التعلق بالناس السلبيه وتأثيره عليك واهم النقاط الي ممكن تقلل التعلق بالنوعية هادي، و من اهم المواضيع الي هدرزنا فيها مع التومي تجربته معا البريك دانس و تاريخ البريك دانس في ليبيا ومقارنة البريك دانس مع الانواع الثانيه من فن الرقص.

اول حلقة رسمية (علي اساس) في ال بودكاست مع ضيفنا الاول (كوكي) تكلمنا فيها على اكثر من موضوع من اهمها تفاوت الأجيال و الأختلاف بيناتهم، فا نتمنولكم استماع ممتع