EP. 9

مع اقتراب بداية سنة جديدة كتير مننا بيحب يخطط لاهدافه واحلامه العايز يصل ليها ويحققها في السنة دي، بس في عامل مهم جدا لازم ما ننسى نحسبو معانا الا وهو "الرزق"

حبيت انو دا يكون موضوع الحلقة دي وموضوع نقاشنا في وقت زي دا لاسباب كتيرة ناقشت اهمها في الحلقة وحابة برضو اقول نصيحة انو مهما كانت اهدافك ومهما كان الحققتو منها في نهاية السنة الحاجة الوحيدة الحتحدد ردة فعلك هي ايمانك ويقينك بحكمة الله في توزيع رزقه على عباده

Shoutout للشخصية العظيمة القالت لي:

"لكن ما بيدك موضوع الرزق مهما كان علمك وموهبتك، فلسفة زي دي بتمنع الرزق اصلا؛ زي ما قال قارون: "إنما أوتيته على علم عندي..."، ختي في بالك انو اي وقت ربنا اذن انو يرزقك حتى لو ما عندك اي مهارة برزقك"

وكالعادة يا سادة بذكركم انو آرائكم بتهمني جدا والنقاش معاكم حيسعدني جدددددا في اي مكان ان كان بشكل شخصي في احد مواقع السوشيال ميديا او لو كان تحت ضمن كومنتات الحلقة 🤍