موضوع تصنيف طموحات البشر, اللي من غير م نحس اتعاملنا معاه علي انه موضوع بديهي, وبقينا نحس بالذنب لمجرد اننا مأخدناش نفس الطموحات, مين اللي عمل التصنيف دا؟ وازاي مشينا عليه من غير م نحس؟

ليه المفروض كلنا ناخد طريق واحد؟ ليه بيزعلوا لما بنرسم لنفسنا صوره مختلفه عن اللي راسمنهالنا؟ طيب دي اختياراتنا احنا فعلا؟ ولا من غير م نحس مشينا علي الطريق اللي حددوه لينا؟ ليه مفيش اجابه مقنعه؟ ودايما الرد هو كدا!

هو كدا! يعني ايه هو كدا؟ يعني كدا وخلاص! لا مفيش حاجه اسمها كدا وخلاص اكيد في سبب, لا مفيش سبب, يبقي خلاص ملهاش لازمه.