文化部國家語言整體發展方案支持 台語使用比例100% 本節目是以囡仔詩做主題的全台語廣播，適合親子做伙收聽。 《囡仔詩自由話》第十一集：石頭的皺痕與阿公的記憶 本集對一首充滿感情的囡仔詩起鼓：「石頭身軀頂是按怎有皺痕閣有缺隙？」描寫一位阿公，因年歲漸大，沓沓仔失去記持，甚至連孫仔都認袂出來，親像大腦予人鑽空，記持流了矣。毋過，只要聽著「我是你的孫仔」，阿公的目睭就會金起來，會重新展出笑容，予人感受著親情的溫暖。 節目當中，八珍阿姊和冠頭阿兄討論時間對人與事物的影響，對野柳的「女王頭」到人的青春與老化，𤆬領逐家思考性命的變化。另外，嘛分享老人四常發生的生理變化與失智症的狀況，閣提供預防的方法──學習新的事物、運動、健康的食食、維持佮人的互動，以及保持快樂的心情。 最後的「學詞語」單元，紹介五句佮老人有關係的台語俗諺，闢如「老人毋講古，少年毋捌寶」和「在生一粒豆，較贏死後拜豬頭」等等，提醒逐家著愛珍惜與序大人鬥陣的日子。 -- Hosting provided by SoundOn