文化部國家語言整體方案支持 台語使用比例100% 本節目是以囡仔詩為主題的全台語廣播，適合親子做伙收聽。 這集對一粒櫻桃講起，講的是內心的強硬佮柔軟、情緒的表達與控制，嘛講著外表與內才無一定仝款。玻璃矸仔、紙、花蕊、大樹、土地、溪水——攏是軟中有硬、有強有柔的象徵，就像人嘛仝款，有時溫柔、有時強硬，兩个特質攏有其實較倚近真實。 八珍佮冠頭嘛講著性別刻板印象：查埔就愛勇敢？查某就一定愛溫柔？其實每一个人攏有權利決定家己的面貌。這集毋但有趣味的囡仔詩分析，閣有深刻的自我反思與成長故事——關於按怎佇愛佮自由之間揣著家己的節奏，予家己親像一粒堅強、嘛會當予別人感受著甜味的櫻桃。 尾聲閣紹介一寡囡仔兄囡仔姊罕得食著的果子，包括榴槤、時計果、薁蕘等等，那聽那學，那思考：你，敢有像一粒櫻桃？ -- Hosting provided by SoundOn