【Podcast EP43: 腐腦夢腦矛盾大對決】
腐VS夢好似一直都係腐界老是常出現嘅討論🧐
承襲上一集同大家傾同人嘅話題
今次就嚟講多兩講
一齊傾下腐腦同夢腦到底個矛盾係邊呢？🗣🗣
本集重點：
🧠點解夢女好似咁大爭議咁？
🧠夢男又係啲咩嚟？
🧠其實腐同夢真係不能同時存在嗎⋯？
腐與夢都係源自於對角色嘅愛❤️
不論係腐民、夢女定係夢男
只要享受到你對角色嘅愛就係好身份🫶🏻
【腐腐得正Podcast EP42：東亞同人的美麗與哀愁】
同人都係BL裡面重要嘅一個種類
而作為香港嘅同人民
最大嘅優勢就係我哋都可以睇到東亞地區唔同嘅同人📖
但東亞地區咁～～～大
唔同地方寫嘅同人有咩分別？🤔
又有分享住咩相同嘅美麗❤️與哀愁💙？
📖本集重點：
✨中港台同人文嘅不同之處？
✨同人創作者&讀者追求緊咩？
✨同人嘅共性係⋯⋯？
各位同人民！快啲打開你哋嘅腐眼👀
除咗要仔細欣賞鍾意嘅同人文之外
都可以一齊觀察同人裡面嘅不同文化特點🤓
大家仲記唔記得前年5月我哋出過台灣版🇹🇼鬼家人嘅Podcast呢～
🧧泰國版🇹🇭都上畫好一段時間啦！
我哋都準備好超超超詳細嘅SP podcast
準備一齊回顧Menn同Titi嘅美好
💗本集重點：
🧧泰國同台灣版嘅同與不同
🧧有冇鍾意邊個版本嘅處理？
🧧鬼家人的重點，從來都係詮釋「家人」關係
🧧泰國版改編如何帶入泰國文化？
相信要睇泰國版鬼家人嘅朋友都已經睇咗一次，甚至唔只一次！🎬
咁就不如一齊聽下兩位主持又會（一如既往地）用咩新角度剖析？😄😄
P.S. 可以翻聽返台版鬼家人嘅sp！溫故知新（？）
好耐冇見啦啦啦啦😚😚😚😚
腐腐得正，正式回歸！
冇見大家幾個月
當然都要同大家update下近況！
本集重點：
💖休更期間有冇腐啲咩呢😍
💖「腐係一種思維模式」？！🤔
💖如何同非腐朋友分享BL興趣之劇本殺好玩📖
💖休息過後，對於經營專頁都有不同想法💡
今集同大家雜不甩咩都分享
因為真係太太太耐冇更新😭
我哋都需要時間適應返mic前嘅錄音生活🎤
不過承諾大家！！
文字更新都會好快返嚟！！
希望大家同腐腐得正一齊重新開始
繼續開心繼續腐❤️
【BL都市傳說之迷一樣的真人CP感】
大家新年快樂！！🎆🎊
祝大家腐運亨通🧧年年都有好BL睇🪄
2025第一集Podcast就要嚟同大家講下啲都～市～傳～說～🫨🫨
到底真人CP感呢種咁虛無縹緲嘅嘢
大家係點get返嚟嘅呢？🤔🤔
本集重點：
👻對我哋嚟講咩係有CP感😍
👻咁冇CP感我哋又點睇🫣
👻換CP又會唔會影響到CP感🤔
👻要點樣營業先有「好」嘅CP感🤑
CP感之所以係都市傳說
係因為每個人Get到嘅嘢都好唔同
我哋覺得好食/唔好食嘅CP
都總會有人係持相反意見
所以話食真人CP同追星一樣
你追得開心食得開心先係最緊要✌️🏻
對你嚟講點先係有CP感呢？
不如留言同我哋分（推）享（坑）下
距離2025年得返3日
今年不例外都要同大家嚟返個Podcast回顧大會
但有鑑於今年我哋做到嘅事唔多
要謝罪嘅事太多
所以今集又名謝罪大會
對唔住大家！！！！😣😣
本集重點：
🧎🏻♀️踏入生活新階段，唔夠時間睇BL可以點算⏳️
🧎🏻♀️碎片化嘅腐民日常生活，睇BL都係一場賭博？😢
🧎🏻♀️時間雖少，但今年我哋都多咗機會走出去！🥹
🧎🏻♀️今年多咗新嘗試同大家直接交流🗣
係Podcast入面我哋都有講到
今年係我哋要重整自己同腐腐得正嘅一年
少咗更新唔只係因為我哋忙咗
要如何再帶更多新嘅事物俾大家都係我哋要突破嘅一個樽頸位
多謝大家又陪我哋行多咗一年
我哋會更加繼續努力
希望可以同大家長久地一直搵腐，仲可以係啲咩
大家好耐冇見🥹🥹
之前係Story有問過大家有冇一啲有關BL殘酷二選一嘅問題想問我哋
所以今次就嚟一齊傾下呢啲地獄問題🤪🤪
睇下我哋諗嘅嘢又同你哋似唔似？😎
本集重點：
🆚 作為成熟嘅大人⋯ 我選擇全都要！
🆚 神作vs 普作 其實都只係一線之差
🆚 腦洞二選一！超靚仔但禍害人間 vs 冇CP感但互相PUA？！
雖然係殘酷二選一
但其實我哋背底裏嘅原因都係差唔多（都係逆風仔）
唔知我哋傾嘅嘢又會唔會係大家俾問題我哋嘅時候諗緊嘅嘢呢？🙈🙈
如果係你哋又會點揀呢啲二選一呢？
不如cm同我哋一齊傾下🥸🥸
相信大家Follow得我哋，應該都睇過唔少BL作品🤓🤓
無論大家嘅腐齡幾多
都總有一啲嘅題材係好想睇但係又好似冇人寫/拍過？？😭😭
所以今集就收集咗各位腐民一啲只存在係大家腦洞入面嘅BL梗！
我哋化身成為腦部控制台📍📍
一齊嚟睇下各位嘅腦洞有幾正👀
本集重點：
🧠 老師×老師應該計入校園戀愛定係職場戀愛？？👨🏻🏫👨🏻🏫
🧠 鄉村文學應該要來一點吧～ 👨🏻🌾🎣
🧠 我哋主持人嘅腦洞先係最Hard core嘅存在 😈😈
腦洞之所以係腦洞，就係因為佢可以有無限咁多嘅可能性
可能我哋未必講中到呢個梗對你嘅萌點😣
歡迎大家留言話返俾我哋聽你對呢個BL梗嘅萌點/推坑/其他腦洞！
都歡迎有大大拎走腦洞創作（記得tag返我哋一齊睇就得㗎啦🤪）
踏入9月，相信莘莘學子都要預備開學📖
新學期大家都要收心？
No No No！！我哋就係要繼續發放瘋狂能量🤓🤓
Zoe同雞翼作為中學識到而家嘅同學
肯定有唔少校園回憶可以同大家分享
今次更加請埋中學時期嘅師姐
aka 大家最熟悉嘅客席主持 aka 暴言製造機⭐️Janice⭐️
同大家分享我們是怎樣長大的
而腐民喺校園入面
又有咩生存注意須知？🌞
本集重點：
📖我哋中學嘅時候腐過啲咩？
📖十萬個喺學校高調/低調睇BL的方法
📖喺學校裡面，居然咁都可以腐？？！！🤨
中學回憶真係太多太有趣😩😩
唔小心有少少講到爆咪
但希望大家聽完都會有共鳴
或者係有更epic嘅故事可以同返我哋分享🤪🤪
Delay得正貫徹少少Delay多多認真嘅風格
終於喺七月第一個更新講早前大家都討論不斷嘅
🌟《 #我在這裡等你 》🌟
雖然睇嘅時候已經同而家相隔一個月有多
但電影裡面天宇同阿翔嘅相處
依然係歷歷在目啊～～🥺🥺
不過除咗當時大家城寨vs鯨逝灣嘅時空錯亂
喺各大平台都有人討論：
究竟呢套係咪BL呢？🧐🧐
本集重點：
✉️我哋個人對呢部電影嘅感想？
✉️《我在這裡等你》有Queerbaiting/賣腐嗎？
✉️應該如何看待呢種「BL作品」？
如果你對呢套電影依然印象深刻
歡迎打開呢集special
一齊重溫在原地等我們嘅回憶❤️❤️
#pridemonth 嚟到尾聲 🌈
我哋都要把握最後機會😬😬
同大家從BL出發，認識更多議題～
無論係BL界定其他界別
有關「Queer baiting」嘅討論越嚟越多🫨
究竟我哋應該如何理解呢個現象呢？🤔🤔
本集重點：
💡「Queer baiting」是甚麼？
💡「Queer baiting」和賣腐是一樣的嗎？
💡BL會出現Queer baiting嗎
Queer baiting與否，好似係一個好嚴肅嘅話題🤔
但傾多啲，諗多啲
或者都會開闊你對BL嘅想像～💭
歡迎大家嚟到不定時開辦嘅腐民辯論大會
今日嘅辦題係「BL演員應否談戀愛」🧐🧐
我哋收集咗係唔同社交平台上面嘅意見📑
準備嚟同大家一齊討論一下！
本集重點：
💡何謂「BL式營業」？
💡可否談戀愛嘅各方意見🗣️🗣️
💡點樣先會令戀愛為粉絲容易接受戀情？🧐
💡我哋而家又用咩心態去睇演員RPS👨🏻❤️💋👨🏻
今集我哋嘅頭盔戴到就嚟頂穿天花板🪖🪖🪖🪖
呢個命題係冇一個絕對嘅答案
大家追星追得開心先係最正確嘅選擇！🙂↕️🙂↕️
你哋又點睇呢條討論問題呢？🧐
不如留言同我哋分享下你哋睇法～
【腐腐得正Podcast EP33：好BL同人分享大會】
大家成日都覺得我地分享好多kam BL⋯⋯
啊，係益智文學🥸🥸好有趣
但我地都有深切反省㗎！！
今次應老朋友 暴言製造機Janice🔥嘅要求
真心誠意地同大家分享好睇嘅BL同人
更加會同大家討論下
究竟點樣先為之係「好」嘅BL同人？👍🏻
本集重點：
❣️BL同人嘅特殊設定會唔會決定好壞？
❣️文筆VS結構！同人的絕對標準？
❣️同人嘅最終奧義：彌補原著！！
搵得Janice上嚟，當然唔只有討論環節
我地每人仲預備咗💝真 好文分享大會💝
記得要去收聽完整版
聽下我地三個人選擇嘅好文之選同朗讀分析
就算唔係同坑，都一定感受到
同人世界共通嘅魅力啊～～🥰
上集傾完用BL論政
今集就用 #OffGun 主演嘅泰劇🇹🇭
《Not Me》嚟延續討論啦🤓🤓
有聽預告嘅一定估到啦係咪！
劇集係2021年播出
但好作品幾時再睇都有欣賞價值👍🏻
放喺2024年都唔覺得過時～
（唔係因為我哋係Delay得正⋯⋯）
本集重點：
👍🏻 點樣將BL結合現實嘅平權運動？🏳️🌈
👍🏻 好嘅政治劇=展現到夠全面嘅光譜
👍🏻 錐心係因為人物嘅各種對立做得好啊😭
雖然呢兩集內容好似好hardcore
但BL本來就唔只可以係娛樂
所以一齊睇多啲、諗多啲～
我哋嘅IG大門永遠為大家而開！😙😙
或者可以加入我哋嘅Discord group
期待同各位腐民討論思考啊～❤️
「政」係啲乜？
係政策、政治定政綱？
BL係啲乜？
係Boy’s Love、娛樂定作品？
無論係乜，一如我哋嘅宗旨
腐從來都不只是腐🥸🥸
用BL論政，係咪又可以腐腐得「正」呢？
本集重點：
👍🏻 到底乜嘢係「政」？
👍🏻 「政」同BL業發展有咩關係？
👍🏻 「政」點樣塑造BL嘅內容？
今次嘅專題Podcast久違地係分上下集
今個星期縱觀完有關BL與政
下集就要同大家做作品導讀了！！😝
各位同學記得聽到最後
估下我哋預告緊邊部BL作品嘅討論，做定預習先啦🤓
（連更兩週咁勤力，你唔係唔聽吖嘛😎）
傳說
青蛙係得到公主嘅一吻之後就可以解開詛咒變成王子👩🏻❤️💋👨🏻
而現實就有王子變返做青蛙嘅蛙化現象🐸🐸
拍拖蛙化當然係Big Nono🙅🏻♀️🙅🏻
咁BL蛙化你有冇試過？
本集重點：
🐸蛙化同雷點只係一線之差
🐸都2024年啦，呢啲叫蛙化定經典？
🐍蛇化=我推就是正義！
唔知大家嘅BL蛙化又係啲咩呢？
2024年嘅新嘗試就係要顏出錄Podcast啦😀
唔知有埋我哋平時錄音嘅表情同動作會唔會又帶到另一啲新鮮感俾大家呢？🥹
有咩意見都歡迎同我哋講～
2023堪稱係我哋嘅嘉賓之年
2024開局第一集係要延續呢個氣勢嘅❤️🔥
腐民入唔同坑嘅作品
都總會腐眼開光享受同人嘅樂趣
但要豐衣足食首先要有大大無私產糧😭
今次嘅嘉賓✨Eriko✨同人資歷豐富
仲同雞翼一樣係同人文寫手！！🖌️
本集重點：
📝每個文手下海（？）嘅原因都一樣！
📝讀者同文手睇文嘅重點一樣嗎？🥸
📝關於「回饋」，大家又點睇？🙋🏻♀️
📝由二次元跳到三次元同人嘅奇幻心路歷程🥹🥹
一個讀者X兩個寫手
大談睇同人文嘅樂與悲（？）
只要你有睇開寫開同人一定有共鳴！😙😙
腐腐得正Podcast EP28: 2023➡️2024 腐腐大事年末回顧
嚟到2023年嘅最後一日
唔知大家又會點過除夕呢？👀
當然我哋循例都同大家嚟做返個2023腐界大事回顧啦!!🔄
本集重點：
2⃣腐腐得正嘅自我回顧
0⃣我哋今年最鍾意同印象最深刻嘅作品係…?
2⃣23年嘅腐界大小事之FM嘅主客觀感想?
3⃣23年嘅腐界大小事之BL作品嘅發展趨勢?
多謝大家又陪我哋渡過咗一年🥹🥹
回顧完當然都要展望下將來㗎啦!!🤩🤩
2024年我哋腐腐得正都係會一直陪住大家
一齊腐看中外，還看古今👀👀
腐，不止可以係腐