འདི་གའི་གསར་འགོད་པ་བསྟན་འཛིན་ནོར་བཟང་ལགས་ནས་ན་གཞོན་ཉམས་ཞིབ་པ་བསྟན་འཛིན་དགྲ་འདུལ་ལགས་དང་ལྷན་དུ་༧གོང་ས་མཆོག་གི་ཕྱག་དེབ་གསར་ཤོས་སྨྲ་བརྗོད་རང་དབང་མེད་པའི་སྐྱེ་བོའི་ཚོགས་ཀྱི་མགྲིན་ཚབ་པ་Voice for the Voiceless ཅེས་པ་བཀླགས་པའི་མྱོང་ཚོར་དང་ཕྱག་དེབ་དེའི་གལ་གནད་སོགས་ཀྱི་སྐོར་ལ་གླེང་མོལ་ཞུས་ཡོད།

བསྟན་འཛིན་ནོར་བཟང་ལགས་ནས་བཙན་བྱོལ་བོད་མིའི་ཚོང་པ་ཚོགས་པའི་ཚོགས་གཙོ་བསོད་ནམས་སྟོབས་རྒྱལ་ལགས་དང་ལྷན་དུ། འདི་ལོའི་བོད་མི་བཙན་བྱོལ་བ་རྣམས་དགུན་ཚོང་གང་འདྲ་བ་ཡོད་པ་དང་། ལྷག་པར་དུ་རྐྱེན་ངན་གོད་ཆག་རིགས་འཕྲད་ཡོད་མེད་དང་ཚོགས་པའི་ངོས་ནས་རོགས་རམ་རྒྱབ་སྐྱོར་གནང་ཕྱོགས་སོགས་ཀྱི་སྐོར་ལ་གླེང་མོལ་ཞུས་ཡོད།

བགྲོ་གླེང་མདུན་ཅོག་གི་ལེ་ཚན་ནང་འདི་གའི་གསར་འགོད་པ་བསྟན་འཛིན་ནོར་བཟང་ལགས་ནས་བོད་མིའི་སྒྲིག་འཛུགས་ཀྱི་ལྷོ་སྤྱི་འཇིགས་མེད་ཚུལ་ཁྲིམས་ལགས་དང་ལྷན་དུ་སྲིད་སྐྱོང་སྤེན་པ་ཚེ་རིང་མཆོག་གི་ལྷོ་ཕྱོགས་གཞིས་ཆགས་ཁག་གི་ཕྱོགས་ཕེབས་སྤྱི་དང་། ལྷག་པར་ས་གནས་མང་ཚོགས་ཀྱི་ཛ་དྲག་ཆེ་བའི་གནད་དོན་ཁག་ཅིག་སྐོར་གླེང་མོལ་ཞུས་ཡོད།

ཐེངས་འདིའི་བགྲོ་གླེང་མདུན་ཅོག་གི་ལེ་ཚན་ནང་འདི་གའི་གསར་འགོད་པ་བསྟན་འཛིན་ནོར་བཟང་ལགས་ནས་བོད་མིའི་སྒྲིག་འཛུགས་ནང་སྲིད་དྲུང་ཆེ་དཔལ་ལྡན་དོན་གྲུབ་ལགས་དང་ལྷན་དུ་བོད་མིའི་སོ་ནམ་གཞིས་ཆགས་ཁག་གི་སོ་ནམ་ལས་གཞི་ཡར་རྒྱས་གཏོང་ཕྱོགས་ཀྱི་ཚོགས་འདུའི་གྲུབ་དོན་སོགས་ཀྱི་སྐོར་གླེང་མོལ་ཞུས་ཡོད།

ཐེངས་འདིའི་བགྲོ་གླེང་མདུན་ཅོག་གི་ལེ་ཚན་ནང་། འདི་གའི་གསར་འགོད་པ་བསྟན་འཛིན་ནོར་བཟང་ལགས་ནས་བོད་ཀྱི་སྲིད་ཇུས་ཉམས་ཞིབ་ཁང་གི་ཉམས་ཞིབ་པ་འབུམ་རམས་པ་བསྟན་འཛིན་ལྷ་སྒྲོན་ལགས་དང་ལྷན་དུ་རྒྱ་གར་གྱི་སྲིད་བློན་མོ་དྷི་དང་ཨ་རིའི་སྲིད་འཛིན་ཊམ་རྣམ་གཉིས་མཇལ་འཕྲད་གནང་བའི་གནད་འགག་སོགས་ཀྱི་སྐོར་ལ་གླེང་མོལ་ཞུས་ཡོད།

ཐེངས་འདིའི་བགྲོ་གླེང་མདུན་ཅོག་གི་ལེ་ཚན་ནང་གསར་འགོད་པ་བསྟན་འཛིན་ནོར་བཟང་ལགས་ནས་འདི་གའི་རྒྱ་གར་ལྷོ་ཕྱོགས་ཀྱི་ས་གནས་གསར་འགོད་པ་རྒྱལ་མཚན་ཆོས་གྲགས་ལགས་སུ་༧གོང་ས་སྐྱབས་མགོན་ཆེན་པོ་མཆོག་གིས་རྒྱ་གར་ལྷོ་ཕྱོགས་སུ་བསྐྱངས་པའི་མཛད་འཕྲིན་སྐོར་གླེང་མོལ་ཞུས་ཡོད།

ཐེངས་འདིའི་བགྲོ་གླེང་མདུན་ཅོག་གི་ལེ་ཚན་ནང་གསར་འགོད་པ་བསྟན་འཛིན་ནོར་བཟང་ལགས་ནས་འཇམ་དབྱངས་ཤེས་ཡོན་ཞབས་ཞུ་ཁང་གི་འགན་འཛིན་གཞོན་པ་སྐལ་བཟང་དབང་འདུས་ལགས་དང་ལྷན་དུ་ཕྲུ་གུས་འཆར་ཤེལ་ལྟ་ཡུན་རིང་བའི་ཉེན་ཁ་དང་། ཕ་མ་དང་དགེ་རྒན་ཚོས་དེ་ལ་གདོང་ལེན་བྱེད་ཐབས་སོགས་ཀྱི་སྐོར་ལ་གླེང་མོལ་ཞུས་ཡོད།

དེ་རིང་བགྲོ་གླེང་མདུན་ཅོག་གི་ལས་རིམ་ནང་ད་ལོའི་སྤྱི་ལོ་གསར་པའི་ཚུགས་པ་དང་བསྟུན། གསར་དུ་བཙུགས་པའི་ཧྥ་རན་སིའི་བོད་ཀྱི་ལྷ་མོ་ཚོགས་པའི་སྐོར་གསར་འགོད་པ་རྒྱལ་མཚན་ཆོས་གྲགས་ལགས་ཀྱིས་ཧྥ་རན་སིའི་བོད་ཀྱི་ལྷ་མོ་ཚོགས་པའི་ཚོགས་གཙོ་ཉི་མ་ཆོས་འཕེལ་ལགས་དང་ལྷན་དུ་གླེང་མོལ་ཞུས་ཡོད།

བགྲོ་གླེང་མདུན་ཅོག་ལས་རིམ་ནང་ཨ་རིའི་རླུང་འཕྲིན་ཁང་གི་གསར་འགོད་པ་རྒྱལ་མཚན་ཆོས་གྲགས་ལགས་ཀྱིས་སེ་ར་ཐེག་ཆེན་གླིང་གི་ཡ་གྱལ་སེར་བྱེས་མཁས་སྙན་གྲྭ་ཚང་གི་མཁན་རིན་པོ་ཆེ་བཀྲིས་ཚེ་ཐར་མཆོག་དང་ལྷན་དུ་རྒྱལ་སྤྱིའི་དམ་ཆོས་འདུལ་བའི་བགྲོ་གླེང་གི་དམིགས་ཡུལ། དང་རྒྱབ་ལྗོངས། གྲུབ་འབྲས་བཅས་ཀྱི་སྐོར་ལ་བགྲོ་གླེང་ཞུས་པ།

ཐེངས་འདིའི་ལས་རིམ་ནང་འདི་གའི་ས་གནས་་གསར་འགོད་པ་རྒྱལ་མཚན་ཆོས་གྲགས་ལགས་ཀྱིས་སེ་ར་ཐེག་ཆེན་གླིང་གི་ཡ་གྱལ་སེར་བྱེས་མཁས་སྙན་གྲྭ་ཚང་གི་མཁན་རིན་པོ་ཆེ་བཀྲ་ཤིས་ཚེ་ཐར་ལགས་དང་ལྷན་དུ་རྒྱལ་སྤྱིའི་དམ་ཆོས་འདུལ་བའི་བགྲོ་གླེང་གི་དམིགས་ཡུལ། དང་རྒྱབ་ལྗོངས། གྲུབ་འབྲས་བཅས་ཀྱི་སྐོར་ལ་བགྲོ་གླེང་ཞུས་ཡོད།

སྦེང་ལོར་ཏཱ་བླའི་བླ་མ་མཐོ་རིམ་སློབ་གཉེར་ཁང་ནས་བོད་ཀྱི་བདུན་ཕྲག་ཞེས་པའི་ས་གནས་ཡུལ་མིར་དམིགས་པའི་བོད་དང་བོད་དང་རྒྱ་གར་བར་གྱི་མནའ་པོའི་འབྲེལ་བ་སོགས་ངོ་སྤྲོད་ཀྱི་བྱེད་སྒོ་རིམ་པ་ཞིག་སྤེལ་ཡོད་པའི་སྐོར་གླེང་སློབ་སྤྱི་བསྟན་འཛིན་པ་སངས་དང་གསར་འགོད་པ་རྒྱན་མཚན་ཆོས་གྲགས་ལགས་གཉིས་ཀྱི་བར་གླེང་མོལ་ཞུས་པ།

ཐེངས་འདིའི་བགྲོ་གླེང་མདུན་ཅོག་གི་ལེ་ཚན་ནང་འདི་གའི་གསར་འགོད་པ་བསྟན་འཛིན་ནོར་བཟང་ལགས་ནས་བོད་དོན་རྐང་འཁོར་བསྐོར་སྐྱོད་པ་འཇམ་དབྱངས་བསྟན་འཛིན་ལགས་དང་ལྷན་དུ་ཁོང་གི་ལས་འགུལ་ལ་རྒྱ་གར་མང་ཚོགས་ཀྱི་དོ་སྣང་དང་རྒྱབ་སྐྱོར་གྱི་རྣམ་པ་ཇི་ལྟར་ཐོན་མིན་སོགས་ཀྱི་སྐོར་ལ་གླེང་མོལ་ཞུས་ཡོད།

ཐེངས་འདིའི་བགྲོ་གླེང་མདུན་ཅོག་གི་ལེ་ཚན་ནང་གསར་འགོད་པ་བསྟན་འཛིན་ནོར་བཟང་ལགས་ཀྱིས་བོད་རང་བཙན་འཐབ་རྩོད་པ་བསྟན་འཛིན་བརྩོན་འགྲུས་ལགས་དང་ལྷན་དུ་འཐབ་རྩོད་ཀྱི་གནས་བབ་འོག་རྩ་དོན་ལ་སྨན་པའི་ལས་འགུལ་མུ་མཐུད་ནས་སྤེལ་དགོས་པའི་གལ་གནད་སོགས་ཀྱི་སྐོར་ལ་གླེང་མོལ་ཞུས་ཡོད།

ཐེངས་འདིའི་ལེ་ཚན་ནང་གསར་འགོད་པ་བསྟན་འཛིན་ནོར་བཟང་ལགས་ནས་འདི་ག་ཨ་རི་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་བཀའ་བློན་ཁྲི་ཟུར་བཀྲས་མཐོང་བསྟན་འཛིན་རྣམ་རྒྱལ་མཆོག་དང་ལྷན་དུ་སྐུ་ཞབས་ཌོ་ནལ་ཊམ་མཆོག་ཨ་རིའི་སྲིད་འཛིན་དུ་བདམས་ཐོན་བྱུང་བའི་རྗེས་འབྲེལ་གྱི་གསར་གནས་ཁག་ཅིག་གི་སྐོར་ལ་གླེང་མོལ་ཞུས་ཡོད།

ཐེངས་འདིའི་བགྲོ་གླེང་མདུན་ཅོག་གི་ལེ་ཚན་ནང་རྒྱ་གར་ཧི་མ་ལ་ཡ་ན་ལེཎྜའི་སྲོལ་རྒྱུན་ལྷན་ཚོགས་ཞེས་པའི་ཚོགས་པའི་དགོས་དམིགས་དང་ལས་དོན་གཉེར་ཕྱོགས་སོགས་ཀྱི་སྐོར་ལ་ཚོགས་པ་དེ་གའི་ཚོགས་གཞོན་བླ་མ་ཆོས་འཕེལ་བཟོད་པ་ལགས་དང་གླེང་མོལ་ཞུས་ཡོད། ཚོགས་པ་དེ་ནི་ཤར་མོན་ནས་ནུབ་ལ་དྭགས་བར་ཁྱབ་པའི་སྒྲིག་འཛུགས་གལ་ཆེན་ཞིག་ཡིན་པ་རེད།

ཉེ་ཆར་རྒྱ་ནག་གཞུང་གིས་བོད་དང་ཤར་ཏུ་ཀི་སི་ཐན་ནང་དུ་འགྲོ་བ་མིའི་ཐོབ་ཐང་རྡོག་རོལ་གཏང་མུས་ཡིན་པའི་ཐད་རྒྱལ་ཁབ་བཅོ་ལྔ་མཉམ་འབྲེལ་གྱི་ཡོངས་ཁྱབ་བསྒྲགས་གཏམ་ཞིག་སྤེལ་ཡོད་པ་དེའི་གལ་གནད་སྐོར་སྤྱི་ཟུར་གདོང་འདུས་སྐྱིད་འཛོམས་ལགས་དང་ལྷན་དུ་གླེང་མོལ་ཞུས་ཡོད།

ཐེངས་འདིའི་ལས་རིམ་ནང་བསྟན་འཛིན་ནོར་བཟང་ལགས་ཀྱིས་རྒྱལ་སྤྱིའི་ནང་པའི་མཐུན་ཚོགས་ཀྱི་སྤྱི་ཁྱབ་དྲུང་ཆེ་མཁན་ཟུར་བྱང་ཆུབ་ཆོས་ལྡན་ལགས་དང་ལྷན་དུ་སྲིད་བློན་མོ་ཌི་མཆོག་གིས་པཱ་ལི་སྐད་དེ་རྒྱ་གར་གྱི་གནའ་བོའི་རིག་གནས་ཀྱི་སྐད་ཅིག་ཏུ་ངོས་འཛིན་གནང་རྒྱུའི་སྐོར་གསུངས་པའི་གནད་འགག་སྐོར་ལ་གླེང་མོལ་ཞུས་ཡོད།

ཐེངས་འདིའི་ལས་རིམ་ནས་བསྟན་འཛིན་ནོར་བཟང་ལགས་ནས་བཙན་བྱོལ་བོད་མིའི་ཚོང་པའི་ལྷན་ཚོགས་ཀྱི་ཚོགས་གཙོ་བསོད་ནམས་སྟོབས་རྒྱལ་ལགས་དང་ལྷན་དུ་བཙན་བྱོལ་བོད་མིའི་དགུན་ཁའི་སུད་ཚོང་གི་གནས་བབས་སྤྱིའི་སྐོར་དང་། བོད་མིའི་སྒྲིག་འཛུགས་ནས་བོད་མི་སུད་ཚོང་བ་ལ་ཕན་པའི་རོགས་འདེགས་གནང་ཕྱོགས་སོགས་ཀྱི་སྐོར་ལ་གླེང་མོལ་ཞུས་ཡོད།

༄༅། །ཐེངས་འདིའི་བགྲོ་གླེང་མདུན་ཅོག་གི་ལེ་ཚན་ནང་འདི་གའི་གསར་འགོད་པ་བསྟན་འཛིན་ནོར་བཟང་ལགས་ནས་སེ་ར་བྱེས་སྒྲ་སྒྱུར་སྡེ་ཚན་གྱི་འགན་འཛིན་ཐུབ་བསྟན་མཐར་ཕྱིན་ལགས་དང་ལྷན་དུ་ནང་པ་དང་ཡེ་ཤུའི་སློབ་ཆེན་སློབ་མའི་བར་གྱི་ཤེས་ཡོན་བརྗེ་ལེན་ལས་རིམ་སྐོར་ལ་གླེང་མོལ་ཞུས་ཡོད།

བཞུགས་སྒར་ས་གནས་འགོ་འཛིན་དཀོན་མཆོག་མིག་དམར་ལཊ་སུ་ཀངྒ་ར་རྫོང་གི་ཆེས་མཐོའི་གཟེངས་རྟགས་གནང་བ། འདི་གའི་གསར་འགོད་པ་འཇམ་དབྱངས་རྒྱ་མཚོ་ལགས་ཀྱིས་གཟེངས་རྟགས་དེ་བརྒྱུད་མ་འོངས་ལས་དོན་ཐད་ལ་སྐུལ་ལྕགས་འཕར་མ་ཇི་བྱུང་སོགས་དང་འབྲེལ་ནས་ས་གནས་འགོ་འཛིན་ཁོང་རང་ཉིད་དང་ལྷན་དུ་གླེང་མོལ་ཞུས་པ་ཞིག་ཡིན།