خطوات السلام المالي (التوازن المالي) أهلا وسهلا بكم اخواني واخواتي في حلقة جديدة متجددة من حلقات "شطحات من القمة" عنوان حلقة اليوم هو خطوات السلام المالي.. التوازن المالي.. احنا تكلمنا في الحلقات السابقة عن معادلة الثراء والطريق لتحقيق الحرية المالية.. وذكرنا ان معادلة الثراء يعني تصرف اقل من دخلك (فتعمل على ترشيد الصرف وفي نفس الوقت زيادة الدخل والتحكم في مصادر الدخل) والجزء الثاني من المعادلة تستثمر الفائض من دخلك في شيء تفهم فيه وتتعلم وهي راح نخصص لها حلقة مستقبلا.. وذكرنا ان الحرية المالية تعني ان اموالك اصبحت قادرة على ان تعمل من اجلك وتعطيك مردود مالي يغطي احتياجاتك المالية واحتياج اسرتك وابنائك وربما احفادك.. ولكن البداية هي المهمة دائما.. فكيف نبدأ هالمشوار.. من وين أبدأ وانا راتبي ما يبقى منه شيء.. من وين ابدأ وانا نص راتبي يروح في القروض البنكية وقسط البيت واقساط مدارس عيالي.. فعشان تبدأ اي مشوار.. لابد يكون عندك توازن.. انت ممكن تحدد هدفك مثلا انك بتسافر الشرقية بالسيارة مثلا.. لكن عشان تنطلق.. لابد تستعد بالامور اللي تحتاجها في رحلتك.. وانت تسوق السيارة مهوب لازم تشوف بعينك كل المشوار الى الشرقية.. يكفي تشوف الكيلوين اللي قدامك.. طول ما انت تمشي تشوف الكيلوين اللي قدامك ما ينفع تسوق وانت مغمض.. نفس الشيء في مشوار تحقيق الثروة.. لابد اول شيء تستعد وترتب اوراقك وتبدأ الانطلاق لهدفك وانت تشوف نفسك جالس تتقدم في الخطوات نحو الهدف.. اذا ما تشوف تقدم ولا انجاز.. راح تحبط ويجيك شعور ان كل اللي تسويه ماله فايدة وتتوقف.. عشان كذا.. باعطيك في حلقة اليوم خطوات تحقيق التوازن المالي.. أو بإسم آخر.. خطوات السلام المالي.. انت اذا تمر مصاعب مالية.. انت فعليا في حرب مستمرة مع المال... تجيبه بتعب وجهد.. ويروح منك بسهولة.. وتكافح عشان تحصل عليه.. وتصرفه... وتتسلفه.. وتسدد فوايده.. فطالما انك في حرب مع شيء.. لايمكن انك تحبه.. وطالما انك ما تحبه.. كيف تبغى زيادة منه..؟؟ ما يصير... اتمنى لكم الاستمتاع في الاستماع.. وانتظر تعليقاتكم وتجاربكم رابط الحلقات https://www.youtube.com/playlist?list=PLEDqCJc2IUpnYNweBNM95JymCDSQ7z4di https://soundcloud.com/malyahya