"بهية" بودكاست أو برنامج صوتي جديد. البرنامج غرضه إتاحة قصص صوتية للأطفال بالعامية المصرية وابتدى عشان بنتي – أمينة، اللي خلاص هاتّم ٧ – بتعشق القصص وفي سنوات الكورونا بذات القصص الصوتية كانت الملاذ بتاعها. المشروع في صورته الحالية مش بيتضمن تأليف قصص، بس "ترجمة" قصص مطبوعة من الفصحى، لللهجة المصرية. لحد دلوقتي القصص اللي اختارتها كلها من سلسلة المكتبة الخضراء عشان قصصها أطول وتناسب الفئة العمرية المرجوة – اللي هي أطفال من ٦ – ١٠ سنوات. الغرض الأساسي هو إتاحة بديل للترفيه المرئي للأطفال عشاق القصص.